Benguet – Nagsagawa ng Community Outreach Program ang mga tauhan ng Kabayan Municipal Police Station sa Lusod Elementary School sa Brgy. Lusod, Kabayan, Benguet nito lamang ika-3 ng Mayo 2023.
Pinangunahan ito ni Police Major Gregorio Kiwalan, Chief of Police ng Kabayan Municipal Police Station at stakeholders.
Ang mga nasabing grupo ay namahagi ng mga tsinelas, school supplies at mga pagkain sa mga kabataan ng nasabing paaralan.
Dagdag pa rito, nagbigay-aral ang mga pulisya patungkol sa iba’t ibang kriminalidad upang maiwasan at hindi pamarisan ng mga kabataan.
Labis ang pasasalamat ng mga guro at mga magulang sa mga biyayang kanilang natanggap at patunay lamang ito na ang Pambansang Pulisya ay handang tumulong at magserbisyo sa mamamayan lalo na para sa magandang kinabukasan ng mga kabataan.
