Maguindanao del Sur – Nagsagawa ng Community Outreach Program at Oplan Bisita Eskwela ang mga tauhan ng Shariff Saydona Mustapha Municipal Police Station sa mga mag-aaral ng Nabundas Elementary School at Maguindanao National High School noong Mayo 3, 2023.
Pinangunahan ni Police Captain Billy Fontanilla, Officer-In-Charge ng Shariff Saydona Mustapha MPS, ang nasabing aktibidad na kung saan ay nagkaroon ng diyalogo at feeding program.
Ang isa sa mga itinuro ay ang RA 9262 o “Anti-Violence Against Women and their Children Act of 2004″.
Layunin ng aktibidad na maipakita ang karapatang pantao at maiwasan ng mga mag-aaral ang karahasan, lalo na sa mga kababaihan.
Ang inisyatibo ng Shariff Saydona Mustapha PNP ay para maipakita ang pagkakaisa ng pulisya at komunidad para makamit ang maunlad at mapayapang pamayanan.
Pat Mark Vincent Valencia
