Cotabato City – Nakumpiska ng pulisya ang nasa Php1.2 milyong halaga ng smuggled na sigarilyo sa Brgy. Tamontaka 1, Cotabato City noong Mayo 1, 2023.
Ayon kay Police Brigadier General Allan Nobleza, Regional Director ng PRO Bangsamoro Autonomous Region, may tumawag na isang concerned citizen na meron stockpile sa lugar at may takip na asul na tarpaulin na ibinaba ng isang wing van.
Agad itong pinuntahan ng mga operatiba ng Regional Intelligence Division-Regional Special Operations Group of PRO BAR (Lead Unit), 1404th Mobile Force Company, Regional Mobile Force Battalion 14, SOT – Regional Highway Patrol Unit BAR, at RC – Regional Highway Patrol Unit BAR.
Matapos maberipika ng mga operatiba, ay bumungad ang 50 kahon ng assorted ng smuggled na sigarilyo at tinatayang nagkakahalaga ng Php1,200,000.
Ang mga nakuhang ebidensya ay dadalhin sa Bureau of Customs para sa dokumentasyon at tamang disposisyon.
Ang mga tauhan ng PRO BAR ay mas lalo pang hihigpitan ang kanilang seguridad para walang makapasok na kontrabando sa lugar para makamit ang kaayusan tungo sa maunlad at mapayapang pamayanan.
Pat Mark Vincent Valencia
