Batanes – Matagumpay na naisakatuparan ang kauna-unahang PD’s Funshoot ng Ivatan Cops na naganap sa Gitnalban, Ivana, Batanes na nagtapos nitong ika-30 ng Abril 2023.
Ayon kay Police Colonel Emil Tumibay, Provincial Director ng Batanes Police Provincial Office, layunin ng aktibidad na mahasa ang kakayahan at kapabilidad ng bawat pulis pagdating sa paggamit ng kanilang mga armas.
“Lahat ng pulis dapat marunong at mahusay pumutok”, giit ni PCol Tumibay sa kanyang naging mensahe.
Ginanap ang Funshoot sa kauna-unahang Firing Range ng kapulisan sa lalawigan na pinasinayaan nito lamang Abril 28, 2023.
Samantala, pinasalamatan din ni PCol Tumibay ang Lokal na Pamahalaan ng Ivana sa pagpapahintulot sa kanilang tanggapan na maipatayo ang nabanggit na Firing Range.
Source: Batanes Police Provincial Office
Panulat ni Police Staff Sergeant Mary Joy D Reyes
