Misamis Oriental – Boluntaryong sumuko sa mga awtoridad ang dalawang miyembro ng Communist Terrorist Group sa Brgy. Dampil, Lagonglong, Misamis Oriental nito lamang Abril 30, 2023.
Kinilala ni Police Brigadier General Lawrence Coop, Regional Director ng Police Regional Office 10, ang dalawang sumuko na sina alyas “Rembo” at alyas “Jemon” na pinaniniwalaang miyembro ng Sub Regional Committee 5 Northern Central Mindanao Regional Committee Platoon Galaxy.
Kasabay ng kanilang pagsuko ay ang pagturn-over ng isang Caliber .45, isang magazine at siyan na bala.
Ang pagsuko ay naging matagumpay sa pinagsanib pwersa ng mga tauhan ng 1001st at 1005th Manuever Company ng RMFB 10, Philippine Army at Provincial Intelligence Unit ng Misamis Oriental.
Ang pagsuko ng dalawa ay pursigidong panawagan at pagsisikap ng Police Regional Office 10 upang mapanatili ang kapayaapan sa Hilagang Mindanao.
Panulat ni Patrolman Edwin Baris/RPCADU10
