Northern Samar – Tuluyan nang nagbalik-loob sa gobyerno ang isang miyembro ng Communist Terrorist Group (CTG) sa 803rd Maneuver Company Headquarters, Sitio Balud, Brgy. Imelda, Mondragon, Northern Samar nito lamang Mayo 1, 2023.
Kinilala ni Police Captain Solomon Agayso, Officer-In-Charge ng 803rd MC, ang sumuko na si alyas “Tugas/Jerome”, 28, magsasaka at NPSRL member ng (YM) Yunit Militia.
Ang matagumpay na pagsuko ay resulta ng patuloy na negosasyon ng mga tauhan ng 803rd Maneuver Company, RMFB 8 kasama ang 1st at 2nd Northern Samar Provincial Mobile Force Company, at Mondragon Municipal Police Station kaugnay sa End Local Communist Armed Conflict (ELCAC) Program ng gobyerno.
Ang nasabing sumuko ay nasa kustodiya na ngayon ng 803rd Maneuver Company at bineberipika kung kwalipikado ba siyang mag-avail ng Enhance Comprehensive Local and Integration Program (ECLIP) at Local and Social Integration Program ng Northern Samar Provincial Government.
Samantala, ang 803rd Maneuver Company ay patuloy na umaapela ng suporta sa publiko para labanan ang insurhensiya at hikayatin ang lahat ng miyembro ng CTGs na magbalik sa saklaw ng batas, mamuhay ng mapayapa at maayos, magamit ang mga programa ng gobyerno tungo sa pangmatagalang kapayapaan at kaunlaran sa bansa.
