Palawan – Nagsagawa ng Community Outreach Program ang mga tauhan ng 1st Palawan Provincial Mobile Force Company sa Sitio Tagpas, Brgy. Latud, Rizal, Palawan noong ika-30 ng Abril 2023.
Ang naturang aktibidad ay pinangunahan ng 1st Palawan PMFC sa pamumuno ni Police Lieutenant Colonel Klinton Rex Jamorol, Force Commander ng 1st Palawan PMFC, kasama ang 18th Special Forces Company Philippine Army, mga guro ng Tagpas Elementary School, at Non-Government Organization na pinangalanang “Helping Hand.”
Namahagi ang grupo ng relief goods, libreng tsinelas, libreng damit at gupit na siya namang pinakinabangan ng ating mga kapatid na IPs sa Sitio Tagpas, Brgy. Latud, Rizal, Palawan.
Labis naman ang tuwa at pasasalamat ng mga residente sa tulong handog mula sa mga awtoridad.
Layunin ng aktibidad na ito na maipaabot ang tulong para sa mga mamamayan na lubos na nangangailangan at mapagtibay ang ugnayan ng PNP at komunidad.
Panulat ni Patrolman Erwin Calaus
