General Santos City – Timbog ang isang High Value Target (HVT) ng General Santos City PNP at Philippine Drug Enforcement Agency (PDEA) 12 nito lamang ika-30 ng Abril 2023.
Kinilala ni Police Captain Christopher Villamor, Acting ng City Police Drug Enforcement Unit, ang naarestong HVT na si alyas “Kowie”, 29, tricycle driver at residente ng Brgy. City Heights, General Santos City.
Ayon kay PCpt Villamor, bandang 2:00 ng hapon nang naaresto si Kowie sa Rogan sa kanyang mismong tirahan, ito’y matapos mahuli sa akto na nagbebenta ng isang pirasong plastic sachet na naglalaman ng hinihinalang shabu kapalit ang buy-bust money.
Nakumpiska sa suspek ang 0.02 gramo ng hinihinalang shabu, isang pirason Php1,000 bill bilang buy-bust money at iba pang non-drug item.
Kasong paglabag sa RA 9165 o Comprehensive Dangerous drugs Act of 2002 ang kakaharapin ng naturang suspek.
Tiniyak ni PCpt Villamor, na patuloy na gagampanan ng kanilang hanay ang pagsugpo sa talamak na bentahan ng ilegal na droga sa lugar para manatiling ligtas ang kanilang nasasakupan.
Panulat ni Patrolman Khnerwin Jay Medelin/RPCADU12
