La Union – Arestado ng PNP ang Top 1 Most Wanted Person ng Balaoan, La Union sa kasong Homicide nito lamang ika-27 ng Abril 2023.
Kinilala ni Police Major Lawrence L Ganuelas, Hepe ng Balaoan Municipal Police Station, ang suspek na si Dexter Kenneth Badua y Udani, 39, residente ng Brgy. Pa-o, Balaoan, La Union.
Ayon kay PMaj Ganuelas, bandang 03:50 ng hapon nang naaresto ang suspek sa Brgy. Pa-o, Balaoan, La Union ng mga operatiba ng Balaoan Municipal Police Station katuwang ang Regional Intelligence Unit 1, Regional Intelligence Division 1, Regional Drug Enforcement Unit 1, La Union Provincial Intelligence Unit, La Union Provincial Drug Enforcement Unit , at 1st La Union Provincial Mobile Force Company.
Dagdag pa ni PMaj Ganuelas, naaresto ang suspek sa bisa ng Warrant of Arrest sa kasong Homicide na may Php100,000 na rekomendadong piyansa para sa kaniyang pansamantalang kalayaan.
Naging matagumpay ang operasyon ng PNP dahil sa patuloy na pakikipagtulungan ng mamamayan sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: Balaoan MPS
Panulat ni PSSg Carmela G Danguecan
