Camarines Norte- Nakumpiska mula sa isang lalaki ang iba’t ibang klase ng baril at mga bala sa ikinasang Search Warrant Operation ng Camarines Norte PNP sa Happy Homes Green Meadows Subdivision, Barangay Dogongan, Daet, Camarines Norte noong Abril 28, 2023.
Kinilala ni PLtCol Bon Billy Timuat, Hepe ng Daet MPS, ang suspek na si Richan Toledo, 50, may asawa, negosyante at residente ng nabanggit na lugar.
Ayon kay PLtCol Timuat, bandang 2:20 ng madaling araw ng isinagawa ang paghahain ng Search Warrant No. F-06-2023.
Nakumpiska mula sa suspek ang isang yunit ng Caliber .9mm na may trademark na Tanfoglio at Serial Number AB15408, isang steel magazine para sa Caliber .9mm na may 12 na piraso ng live ammunition, isang steel magazine para sa Caliber .9mm na may 13 na piraso ng live ammunition, isang steel magazine para sa Caliber .9mm na may 11 na pirasong live ammunition, isang yunit ng Caliber .9mm na may Trademark na Llama at Serial Number 421021, isang steel magazine para sa Caliber .9mm na may pitong piraso ng live ammunition.
Ang suspek ay nahaharap sa kasong paglabag sa RA 10591 o ang Comprehensive Firearms and Ammunition Regulation Act.
Ang matagumpay na operasyon ay bunga ng walang tigil at mas pinaigting na kampanya ng Camarines Norte PNP kontra loose firearms upang mapanatili ang kaayusan at katahimikan sa probinsya ng Camarines Norte.
Source: Daet Mps Cnppo
