Davao Oriental – Arestado ang isang wanted person sa patuloy na isinasagawang Manhunt Charlie Operation ng Mati PNP sa Prk. Catmunan, Brgy. Macambol, Mati City, Davao Oriental nito lamang Abril 26, 2023.
Kinilala ni Police Lieutenant Colonel Ernesto Gregore, Chief of Police ng Mati City Police Station, ang suspek na si alyas “Warfe”, 32, residente ng nasabing lugar na tinaguriang Top 8 Most Wanted Person sa City Level.
Inaresto ang suspek sa bisa ng Warrant of Arrest sa kasong 4 Counts of Rape na walang piyansang inirekomenda.
Pinuri naman ni Police Brigadier General Alden Delvo, Regional Director ng Police Regional Office 11 ang pagkakadakip sa suspek at nagsabing ipagpapatuloy ang kanilang tapat at mabilis na serbisyo publiko.
Panulat ni Patrolman Alfred Vergara/RPCADU11
