Bukidnon – Arestado ang isang High Value Individual kabilang ang isang lalaki sa buy-bust operation ng City Drug Enforcement Unit ng Valencia City PNP sa Purok 4, Brgy. Poblacion, Valencia City, Bukidnon nito lamang Abril 26, 2023.
Kinilala ni Police Lieutenant Colonel Edward Agpalza, Officer-In-Charge ng Valencia City Police Station, ang dalawang suspek na sina alyas “Manuel”, 49, residente ng nasabing lugar at alyas “Anthony”, 38, residente ng Purok 13, Brgy. Poblacion, Valencia City na tinaguriang High Value Individual.
Bandang 5:15 ng hapon nang ikasa ang buy-bust operation ng CDEU – Valencia City PNP katuwang ang Bukidnon Provincial Intelligence Team at Regional Intelligence Unit 10.
Sa nasabing operasyon ay nakuha ang tatlong pakete ng hinihinalang shabu na may Standard Drug Price na Php2,720, dalawang piraso ng lighters, isang Samsung cellphone, isang coin purse at isang pirasong Php500 bill na ginamit bilang buy-bust money.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Patuloy na magkakaisa ang Bukidnon PNP at ang mamamayan sa mandato na labanan ang ilegal na droga upang matiyak ang kaligtasan at kaayusan sa buong probinsya.
Panulat ni Patrolman Joshua Fajardo/RPCADU10
