Pasay City — Opisyal ng sinimulan ng Aviation Security Group ang kanilang NCR-BASED Sportsfest 2023 na ginanap sa Gymnasium Covered Court, Aviation Headquarters sa Pasay City nito lamang Martes, Abril 25, 2023.
Personal namang pinangunahan ni Police Brigadier General Jerry Bearis, Director ng AVSEGROUP ang naturang aktibidad kasama ang ibang opisyales at mga tauhan nito mula sa iba’t ibang opisina sa NCR.
Ang bawat manlalaro na binubuo ng anim na pangkat mula sa bawat opisina ay pumarada kasama ang tinaguriang Muse ng kanilang Team.
Napili naman si Police Master Sergeant Carmela Mae Lacsa, na magsindi ng tradisyonal na Friendship Urn.
Kasabay din nito ang pagpapakita ng talento sa pagsasayaw ng anim na grupo sa ginanap na Cheering Competition kasama ang PNP Dance Team Elite Responders PEP Squad na nagbigay naman ng intermission number.
Layon ng taunang sportsfest na ito na maipamalas ang kanilang mga talento at maipakita ang pagkakaisa ng bawat miyembro ng Pambansang Pulisya, upang makatulong sa pagpapataas ng kanilang morale sa pagganap ng kanilang mga sinumpaang tungkulin.
Panulat ni PSSg Remelin M Gargantos
