Bukidnon – Kalaboso ang Top 10 PNP/PDEA Target List – High Value Individual sa isinagawang Search Warrant Operation ng Kitaotao PNP at 2nd Bukidnon Provincial Mobile Force Company nito lamang Abril 24, 2023.
Kinilala ni Police Captian Christopher Tuzara, Officer-In-Charge ng Kitaotao Municipal Police Station, ang High Value Individual na si alyas “Simplicio”, 45 at residente ng Purok 6, Poblacion, Kitaotao, Bukidnon.
Bandang 3:35 ng madaling araw nang ihain ng mga tauhan ng Kitaotao PNP at 2nd Bukidnon PMFC ang Search Warrant na may SW no. RTC-OCC 22-23 sa mismong tinitirhan ng suspek.
Sa naturang operasyon ay nasamsam ang limang pakete ng hinihinalang shabu na may bigat na walong gramo na may Standard Drug Price na Php54,000, isang bala ng Cal. 22, isang bala ng 9mm at limang bala ng Cal. 38.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive of Firearms and Ammunition Regulation Act.
Ang matagumpay na operasyon ay bunga ng pagtutulungan ng Bukidnon PNP sa pagtugis sa mga taong lumalabag sa batas upang mapanatili ang maayos at mapayapa ang komunidad.
Panulat ni Patrolman Joshua Fajardo/RPCADU10
