Maguindanao del Sur – Nagsagawa ng Community Outreach Program ang Regional Medical and Dental Unit BAR sa Maguindanao Provincial Police Office, Shariff Aguak, Maguindanao del Sur nito lamang ika-24 ng Abril 2023.
Naging matagumpay ang aktibidad na pinangunahan ni Police Major Jerome Pulvera, kasama sina Police Captain Nexon Besoria at Police Lieutenant Jessie Quitevis, na nakapagbigay serbisyo sa mga kapulisan ng Maguindanao del Sur PPO at ang kanilang mga dependents.
Kabilang sa mga serbisyong naipamahagi ang tooth extraction, fluoride application, pagbibigay kaalaman patungkol sa mental health awareness, libreng tuli at pamimigay ng hygiene kits.
Patuloy ang Pambansang Pulisya sa pagsasagawa ng mga ganitong aktibidad upang matulungan ang ating mga kababayan na mapanatiling malinis at maayos hindi lang ang ating pisikal gayundin ang ating mentalidad.
Panulat ni Patrolman Charlie Nasroden Corpuz
