Ilocos Norte – Arestado ang Top 3 Provincial Most Wanted Person ng Ilocos Norte sa ikinasang Manhunt Charlie Operation ng mga operatiba ng Ilocos Norte Police Provincial Office nitong Lunes, ika-24 ng Abril 2023.
Kinilala ni Police Colonel Julius Suriben, Provincial Director ng Ilocos Norte Police Provincial Office ang suspek na si Villamor Cardenas Clemente Jr., 47, residente ng Sitio 6, Brgy. 55-C Vira, Laoag City, Ilocos Norte.
Ayon kay PCol Suriben, naaresto ang suspek bandang 11:00 ng umaga sa Brgy. Poblacion 2, Pagudpud, Ilocos Norte ng pinagsanib na tauhan ng Pagudpud Municipal Police Station, Laoag City Police Station, 1st Provincial Mobile Force Company, Provincial Intelligence Unit, at Provincial Investigation and Detective Management Division.
Ayon pa kay PCol Suriben, naaresto ang suspek sa bisa ng Warrant of Arrest sa kasong paglabag ng Section 11 ng RA 9165 o Comprehensive Dangerous Drugs Act of 2002 na may inirekomendang piyansa na Php200,000.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Pambansang Pulisya ng Pilipinas ng kanilang mga tungkulin upang maibigay sa mga mamamayan ang hangaring ligtas at payapang komunidad.
Source: Pagudpud Municipal Police Station
Panulat ni PSSg Bader Ceasar Ayco
