Camarines Sur – Arestado ang tinaguriang Ranked 3 Municipal Most Wanted Person ng Sta. Elena, Camarines Norte na may kasong Statutory Rape sa isinagawang Manhunt Charlie Operation ng pinagsamang operatiba ng Sta. Elena PNP at Del Gallego PNP sa Sitio San Rafael, Brgy. Sabang, Del Gallego, Camarines Sur nito lamang Abril 23, 2023.
Kinilala ni Police Captain Roberto Flores Jr, Hepe ng Sta. Elena Municipal Police Station, ang naarestong akusado na si alyas “Philip”, 45, residente ng Purok 1, Barangay Patag Ilaya, Sta. Elena, Camarines Norte.
Ayon kay PCpt Flores Jr, bandang 4:10 ng hapon nang maaresto ang akusado sa naturang lugar sa bisa ng Warrant of Arrest para sa kasong Statutory Rape na walang inirekomendang piyansa.
Patuloy sa pagtugis ang Sta. Elena PNP sa mga taong lumabag sa batas upang mabigyan ng hustisya ang mga naging biktima at para sa kaligtasan ng bawat mamamayan sa kanilang nasasakupan.
Source: Sta. Elena Mps Cnppo
