Oriental Mindoro – Kalaboso ang isang High Value Individual sa isinagawang Anti-illegal Drug Operation (Buy-bust) ng pulisya sa Roxas, Oriental Mindoro noong ika-23 ng Abril 2023.
Kinilala ni Police Major Sherwin Maupay, Hepe ng Roxas Municipal Police Station, ang suspek na si alyas “Berong”, residente ng Roxas, Oriental Mindoro.
Ayon kay PMaj Maupay, naaresto ang suspek sa isinagawang Anti-illegal Drug Operation (Buy-bust) ng pinagsanib na puwersa ng mga tauhan ng Roxas MPS, 403rd RMFB, at PDEA 4B.
Nahaharap ang suspek sa kasong paglabag sa Sec. 5 ng Republic Act 9165 o Comprehensive Dangerous Drugs Act of 2002 matapos mabilhan ng hinihinalang ileagal na droga kapalit ang Php500.
Nakumpiska mula sa suspek ang pera na ginamit bilang buy-bust money, isang maliit na piraso ng glass bottle na naglalaman ng hinihinalang pinatuyong dahon ng marijuana, walong piraso ng maliliit na heat-sealed transparent plastic sachet na naglalaman ng crystalline substance na pinaghihinalaang shabu, isang piraso ng glass tube na naglalaman ng hinihinalang residue ng marijuana, at iba pang drug paraphernalia.
Ang PNP ay hindi titigil sa paglaban sa mga may pagkakasala sa batas at iba pang ilegal na aktibidad para manatiling ligtas at maayos ang komunidad.
Panulat ni Patrolman Erwin Calaus
