Zamboanga City – Nakumpiska ang tinatayang Php910,000 halaga ng smuggled cigarettes sa dalawang suspek na naaresto ng Zamboanga City PNP nito lamang Lunes, April 24, 2023.
Ayon kay Police Colonel Alexander Lorenzo, City Director ng Zamboanga City Police Office, bandang 7:00 ng umaga nang magsagawa ng checkpoint ang pinagsanib na puwersa ng Zamboanga City Police Station 11 at Manuever Company ng Philippine Marines na nagresulta sa pagkakadakip sa dalawang suspek na sina alyas “Jordan”, 30, walang asawa at alyas “Abdulhakim”, 35, may asawa at kapwa residente ng Brgy. Lower Calarian, Zamboanga City.
Naharang ng mga awtoridad ang isang yunit na Suzuki Multi-Cab na may Plate No. JAG-6499 kulay puti at nagresulta sa pagkakadiskubre ng 26 na kahon ng Bravo Red smuggled cigarettes at tinatayang nagkakahalaga ng Php910,000.
Mahaharap ang mga suspek sa kasong paglabag sa Sec. 1401 (Unlawful Importation or Exportation) ng RA 10863 na kilala rin bilang Customs Modernization and Tariff Act (CMTA).
Ang Pambansang Pulisya ay nagpapaalala sa mamamayan na huwag gumawa ng ano mang ilegal na gawain o aktibidad upang hindi humantong sa pagkakakulong.
Panulat ni Patrolman John Ronald Tumonong/RPCADU 9
