Iloilo – Arestado ang isang tinaguriang street level individual matapos ang ikinasang buy-bust operation ng PNP at PDEA sa Sitio Moroco, Brgy Particion, Guimbal, Iloilo, nitong ika-21 ng Abril 2023.
Ang buy-bust operation ay ikinasa bandang 5:40 PM ng Biyernes sa nasabing lugar ng mga operatiba ng Station Drug Enforcement Team ng Guimbal Municipal Police Station kasama ang PDEU, 1st IPMFC, RMFB 6 at PDEA Iloilo Provincial Office.
Kinilala ni Police Captain Felice Dioso, Acting Chief of Police ng Guimbal MPS, ang naarestong suspek na si Fabian Garalda y Belatayo, 20, walang trabaho at residente ng Barangay Sta. Rosa Laguna, Guimbal, Iloilo.
Nakumpiska sa drug suspek ang humigit kumulang 15 gramo ng shabu na may halagang Php102,000 at 2.5 gramo ng marijuana dried leaves na nagkakahalaga ng Php300.
Kasong paglabag sa R.A. 9165 o Comprehensive Dangerous Drugs Act of 2002 ang kakaharapin ng suspek.
Patuloy ang Guimbal PNP sa pagpapatupad ng pinaigting na kampanya kontra ilegal na droga at sa lahat ng uri ng kriminalidad upang masiguro ang maayos, payapa at maunlad na pamayanan sa kanilang nasasakupan.
