Northern Samar – Nagsagawa ng Coastal Clean-up Drive ang mga tauhan ng Northern Samar Police Provincial Office sa baybayin ng Dalakit Boulevard, Brgy. Dalakit, Catarman, Northern Samar, nito lamang Sabado, Abril 22, 2023.
Ito ay pinangunahan ni Police Colonel Alfredo Tadefa, Provincial Director, kasama ang mga Police Trainees, at mga tauhan ng 803rd Infantry Brigade ng Philippine Army.
Ang aktibidad ay isinagawa bilang paghahanda sa 3-day Summer Beach Festival ng Provincial Government office-Northern Samar ngayong darating na Abril 28-30.
Samantala, ang mga nakolektang basura ay sinegregate tulad ng plastik, bote, lambat ng pangingisda, damit, lata, tsinelas at iba pang basura.
Ang ganitong uri ng aktibidad ay isa sa mga pamamaraan ng Northern Samar PNP at mga volunteers upang mapangalagaan ang karagatan sa nasasakupang probinsya at mapanatiling malinis at magkaroon ng produktibong komunidad.
Source: Northern Samar Police Provincial Office
