Valenzuela City — Arestado ang isang ginang kung saan nakumpsika sa kanya ang tinatayang Php102,000 halaga ng shabu sa isinagawang buy-bust operation ng Valenzuela City Police Station nito lamang Biyernes, Abril 21, 2023.
Kinilala ni Police Brigadier General Ponce Rogelio Peñones Jr., District Director ng Northern Police District, ang suspek sa pangalang Mayla, 43, vendor, naninirahan sa Santos Compound, Bukid Malinta, Valenzuela City.
Ayon kay PBGen Peñones Jr, nagsagawa ng operasyon ang mga tauhan ng Station Drug Enforcement Unit ng nasabing istasyon sa kahabaan ng Santos Compound Bukid, Malinta, Valenzuela City, dakong 4:30 ng madaling araw na nagresulta sa pagkakaaresto kay Sanchez.
Nasabat kay Sanchez ang tatlong heat-sealed transparent plastic sachet na naglalaman ng hinihinalang shabu, isang genuine na Php500 na may kasamang walong piraso ng Php1,000 boodle money na ginamit bilang buy-bust money, pitaka ng barya, at isang unit ng Oppo Cellphone.
Kasong paglabag sa seksyon 5 sa ilalim ng Artikulo II ng RA 9165 o Comprehensive Dangerous Drugs Act of 2002 ang kakaharapin ng suspek.
Kapit-bisig ang kapulisan ng Northern Metro sa pagsupil sa talamak na bentahan ng droga at anumang uri ng kriminalidad upang manatiling progresibo ang kanilang komunidad.
Source: NPD PIO
Panulat ni: PSSg Remelin M Gargantos
