Benguet – Tinatayang Php112,000 halaga ng marijuana ang nadiskubre sa Sitio Sekong Tangke, Brgy. Ambuklao, Bokod, Benguet nito lamang ika-20 ng Abril 2023.
Naging matagumpay ang marijuana eradication dahil sa pagtutulungan ng mga operatiba ng Bokod Municipal Police Station, 2nd Benguet Provincial Mobile Force Company, Regional Intelligence Unit 14 kasama ang mga Brgy. Officials na nagresulta sa pagkakadiskubre ng 180 square meter na taniman ng tinatayang 560 piraso ng mga fully grown marijuana plants na may Standard Drug Price na Php112,000.
Kaagad naman binunot at sinunog ng mga operatiba ang naturang marijuana habang wala naman nahuling marijuana cultivator sa nasabing operasyon.
Patuloy ang Benguet PNP sa kampanya kontra ilegal na droga at pagsugpo sa marijuana para sa kaayusan at kapayapaan sa buong probinsya.
