Aurora – Nagsagawa ng Basic Life Support Training ang 1st Aurora Provincial Mobile Force Company sa mga mag-aaral ng Grade 12 Baler Stand-Alone Senior High School, Baler, Aurora nito lamang Huwebes ika-20 ng Abril 2023.
Pinamunuan ito ni Police Major Jeffrey Onde, Force Commander ng 1st Aurora Provincial Mobile Force Company.
Ibinahagi ng mga awtoridad ang kaalaman patungkol sa tamang paglagay ng Tornique bilang paunang lunas sa isang taong sugatan upang mapigilan ang pagdaloy ng dugo na makakatulong sa pagsagip sa buhay ng isang pasyente.
Aktibong nakilahok ang mga bata at lubos ang pasasalamat sa kaalaman na ibinahagi ng mga magigiting na pulisya na patuloy na naghahatid ng malasakit at serbisyo para sa pagpapatibay ng ugnayan ng PNP at ng pamayanan.
Source: 1st Aurora Provincial Mobile Force Company
Panulat ni Police Corpora Jeselle Rivera/RPCADU3
