Pampanga – Tuloy-tuloy na naghahatid ng serbisyo ang Regional Mobile Force Battalion 3 sa pamamagitan Revitalized PNP KASIMBAYANAN para sa mga mag-aaral ng Panipuan Elementary School, Brgy. Panipuan, Mexico, Pampanga nito lamang Martes, ika-18 ng Marso 2023.
Pinamunuan ito ni Police Lieutenant Colonel Jay Dimaandal, Acting Force Commander ng Regional Mobile Force Battalion 3 katuwang ang His Offering Ministry Inc na si Pastor Jeremiah Abay.
Umabot sa 300 na aktibong estudyante ang naging benepisyaryo ng feeding program mula sa RMFB3.
Samantala, nagbahagi ng kaalaman si Pastor Abay ng salita ng Diyos at pinagpanalangin ang mga kabataan sa kanilang karunungan at kaligtasan para sa kanilang magandang kinabukasan.
Lubos ang galak at pasasalamat ng mga kabataan sa hatid na serbisyo at malasakit ng mga Central Luzon PNP.
Patuloy pa rin ang pagkakaisa ng Kapulisan, Simbahan, at Pamayanan o KASIMBAYANAN tungo sa kaunlaran ng ating bayan.
Source: Regional Mobile Force Battalion 3
Panulat ni Police Corporal Jeselle Rivera/RPCADU3
