Arestado ang isang lalaki matapos makuhanan ng baril sa isinagawang Checkpoint ng Iligan City PNP sa Tag-ibo, Brgy. Dalipuga, Iligan City nito lamang ika-18 ng Abril 2023.
Kinilala ni Police Major Alexander Lawan, Officer-In-Charge ng nasabing istasyon, ang suspek na si alyas “Leo”, 29 at residente ng Purok Tugas, Brgy. Maranding, Lala, Lanao del Norte.
Bandang 2:45 ng hapon nang maharang sa isinagawang checkpoint ng Iligan City Police Station 3 si alyas “Leo”, dahil sa walang helmet na suot ang angkas nito ay hinanapan ng driver`s license at dokumento ng motorsiklo ang suspek at tumambad ang isang Cal. 45 Caspian Brand na may serial no. 13346 at isang magazine na may apat na bala.
Walang naipakitang mga kaukulang papel ang suspek sa dala nitong baril kaya agad itong kinumpiska at inaresto ng mga awtoridad.
Tinitiyak ng Iligan City PNP ang patuloy na pagsasagawa ng proactive measures para masiguro ang kaligtasan ng komunidad laban sa anumang uri ng krimen.
Panulat ni Patrolman Joshua Fajardo/RPCADU10
