Butuan City – Tinulungan at inihatid ng Butuan City PNP sa Masao Port, Butuan ang mag-asawang taga-Guimaras, Iloilo upang makauwi matapos ang tatlong buwan na paglalakbay gamit ang isang pedicab sa paghahanap sa kanilang anak sa Tagum City na umalis 17 taon na ang nakakaraan nitong Miyerkules, Abril 19, 2023.
Ayon kay Police Colonel Marco Archinue, City Director ng Butuan City Police Office, matapos niyang malaman ang kwento ng mag-asawang sina Lourdes Chuneri at Gary Dela Cruz, personal niya itong tinungo sa Bombo Radyo Butuan na nagbigay ng pansamantalang matutuluyan at tulong nang makarating ang mag-asawa sa syudad galing sa Tagum City nitong Abril 16, 2023.
Mapalad na nahanap ng mag-asawa ang kanilang anak na nanuluyan sa kinakasama nito sa Tagum at pinauna na nilang makauwi sa Guimaras dahil sa kulang ang kanilang pamasahe pauwi na kasya lamang sa iisang tao.
Lubos ang naging pasasalamat ng mag-asawa sa mga tumulong sa kanila lalo na kay PCol Archine na nagbigay katuparan at financial assistance na sila ay makauwi sa kanilang tahanan.
“The PNP is always ready to extend a helping hand to people like Nanay Lourdes and Tatay Garry who truly needs help. As part of our sworn duty to serve and protect our people, we also look on the welfare of our fellow men. Right now, the BCPO will coordinate with other PNP units that they will pass by along the way to ensure their safety in going back home,” pahayag ni PCol Archinue.
Panulat ni Patrolman Jhunel Cadapan/RPCADU 13
