Davao Oriental – Arestado ang isang indibidwal sa isinagawang buy-bust operation ng Mati PNP sa Brgy. Dahican, Mati City, Davao Oriental, nito lamang Abril 18, 2023.
Kinilala Police Lieutenant Colonel Ernesto Gregore, Chief of Police ng Mati City Police Station, ang suspek na si alyas “Boy Jakol”, 29, residente ng Marinez Subd., Brgy. Dahican, Mati City, Davao Oriental na kabilang sa mga drug personality bilang Street Level Individual.
Naaresto ang suspek sa isinagawang buy-bust operation ng pinagsamang tauhan ng Mati CPS katuwang ang PDEA XI.
Nakuha mula sa suspek ang ilang pakete ng hinihinalang shabu na may bigat na humigit kumulang na 2 gramo at may street market value na Php 15,000 at marked money.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Ang Police Regional Office 11 ay patuloy sa pagsasagawa ng operasyon kontra sa ilegal na droga upang makamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara/RPCADU11
