Iligan City – Arestado ng Iligan City PNP ang Top 1 Station Most Wanted Person sa kasong paglabag sa RA 9165 sa Don Pedro Celdran Ave., Brgy. Tubod, Iligan City nito lamang Abril 17, 2023.
Kinilala ni Police Captain Reiner Escalante, Deputy Station Commander ng Iligan City Police Station 4, ang suspek na si alyas “Miguel”, 25 at residente ng Purok 11A, Brgy. Tambacan, Iligan City.
Bandang 2:57 ng hapon nadakip ang suspek sa naturang lugar ng mga operatiba ng Iligan PNP sa bisa ng Warrant of Arrest sa kasong paglabag sa RA 9165 o Comprehensive Dangerous Drugs Act of 2002 na may rekomendadong piyansa na Php200,000.
Patuloy ang Iligan City PNP sa pagsasagawa ng mga operasyon para mahuli ang mga may sala sa batas upang mapanatilng ligtas at payapa ang komunidad.
Panulat ni Patrolman Joshua Fajardo/RPCADU10
