Masbate – Patuloy na pinapangasiwaan ng Masbate 1st Provincial Mobile Force Company, 3rd Mobile Force Platoon ang kanilang programang “Ang Titser Kong Pulis” sa Barangay Puro, Aroroy, Masbate nitong Sabado, April 15, 2023.
Sa pangunguna ni PSSg Richard Extremadora, Platoon Senior PNCO at guro ng “Ang Titser Kong Pulis”, ay nagpapatuloy ang ika-dalawamput limang linggong pag-aaral ng sampung mag-aaral mula sa nursery at kinder na benepisyaryo ng nasabing programa.
Ang mithiin ay nakabatay sa Kawikaan 22:6 “Turuan mo ang bata sa daan na dapat niyang lakaran, at pagkatumanda man siya ay hindi niya hihiwalayan.”
Ang aktibidad na ito ay naaayon sa programa ng pamunuan ng pambansang pulisya na MKK=K o Malasakit, Kaayusan, Kapayapaan tungo sa Kaunlaran na naglalayong mabigyan ng pagkakataon ang mga bata na makapag-aral.
Source: Masbate 1st PMFC
