Eastern Samar – Ipinagdiwang ng Eastern Samar PNP ang 2023 Environment Day na ginanap sa Agro Forestry Area Project Site, Ganap Cave, Brgy. Cagbonga, Borongan City, Eastern Samar nito lamang Linggo, Abril 16, 2023.
Ito ay pinangunahan ni Police Lieutenant Colonel Elmerson Badilla, DPDO ng Eastern Samar PPO kasama si Police Lieutenant Colonel Rommel Cecista, Chief PCADU at iba pang mga tauhan ng Provincial Headquarters, Borongan CPS Personnel, 2nd ESPMFC, FTP Borongan at Barangay Council ng Cagbonga sa pamumuno ni Barangay Captain Hon. Angelyn Amida.
Ang aktibidad ay isinagawa sa pamamagitan ng tree planting activity bilang bahagi sa selebrasyon ng 2023 Environment Day na may temang “One Tree, One Hope; together we can invest in our planet” na inisyatibo ng Systems Development Ventures and Corporation sa pakikipagtulungan ng PCSO, STL Academy, STL Tellers/Agents Borongan Chapter at Borongan CENRO.
Layunin ng aktibidad na magbigay ng kamalayan sa publiko sa kahalagahan ng pagtatanim para sa pagsasaayos ng kalikasan at pagpapanatili ng kagandahan ng ating inang kalikasan.
