Tacloban City – Malugod na tinanggap ng mga pulisya ang isang miyembro ng Communist Terrorist Group (CTG) na kusang sumuko sa 805th Maneuver Company ng RMFB 8 sa Sitio Biga, Brgy. Mabini, Basey, Samar nitong Linggo, Abril 16, 2023.
Kinilala ni Police Captain Gennie Ann Tualla, Officer-In-Charge ng 805th Maneuver Company, ang sumuko na si alyas “Bert”, 32 taong gulang na isang aktibong miyembro ng Regional Guerilla Unit (RGU).
Bilang pagpapakatotoo sa pagbabalik-loob nito sa gobyerno, kanyang isinuko ang isang unit ng Improvised Explosive Device (IED) o Anti-Personnel Mine (APM).
Ang pagsuko na ito ay resulta ng masinsinang pagpapatupad ng Executive Order no. 70, a whole of nation approach kaugnay sa End Local Communist Armed Conflict (ELCAC) Program at ng DILG-DND JMC No. 2018-01 ng mga tauhan ng 805th Maneuver Company, RMFB 8 kasama ang Regional Intelligence Unit8 (RIU8), 63rd Infantry Battalion, Philippine Army at Police Station 3 ng Tacloban City Police Office.
Nakatanggap naman ng agarang tulong na grocery items, isang sakong bigas at cash assistance ang sumuko habang inihahanda ang kanyang aplikasyon para maka-avail sa Enhance Comprehensive Local Integration Program (E-CLIP).
Ang muling pagsuko ng isang miyembro ng komunistang grupo ay isang malinaw na indikasyon na ang pagsisikap ng pamahalaan at ng mga ahensya nito na wakasan ang insurhensiya sa lipunan ay malapit ng mapagtagumpayan at tuluyang makakamtan.
