La Union – Timbog ng pulisya ang Top 2 Municipal Most Wanted Person ng San Juan, La Union nito lamang ika-14 ng Abril 2023.
Kinilala ni Police Major Gregorio Oreiro, Hepe ng San Juan PNP, ang suspek na si Joshua Santos y Sobremonte, 21 taong gulang, at residente ng Brgy. Dinanum, San Juan, La Union.
Ayon kay Police Major Oreiro, naaresto ang suspek bandang 5:40 ng hapon sa mismong barangay kung saan nakatira ang suspek sa pinagsamang pwersa ng San Juan PNP, Regional Intelligence Division PRO1, at La Union Provincial Intelligence Unit.
Nahaharap ang suspek sa kasong paglabag sa R.A. 7610 na may rekomendadong piyansa na Php170,000.
Ang operasyon ay naging matagumpay dahil sa pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Source: San Juan Municipal Police Station
