Tacloban City – Aktibong nakiisa ang mga tauhan ng Tacloban City Police Office sa isinagawang coastal clean-up drive sa kahabaan ng Magsaysay Boulevard coastal area, hanggang sa harap ng Hall of Justice, Tacloban City nito lamang Biyernes, ika-14 ng Abril 2023.
Pinamunuan ito ni Police Colonel Michael Palermo, City Director sa pakikipagtulungan ng Tacloban City Fisheries and Aquatic Resources Management Councils (CFARMC) sa pamumuno ni Mr. Cyril D Pallado, Chairperson.
Nakilahok din sa aktibidad ang Philippine Coast Guard, Bureau of Fire Protection, Philippine Air Force at ang mga miyembro ng Kabataan Kontra Droga at Terorismo ng Tacloban City.
Layunin ng aktibidad na mapangalagaan ang likas na yaman ng karagatan na pangunahing pinagkukunan ng pangkabuhayan ng mga mamamayan.
Ang Tacloban City PNP ay patuloy na magsasagawa ng mga aktibidad katuwang ang ibang ahensya ng gobyerno para sa pagpapanatili ng maayos at payapang kalikasan tungo sa pag-unlad.
