Lanao del Sur – Nagsagawa ng Career Symposium ang mga kapulisan ng Regional Recruitment and Selection Unit BAR sa mga estudyante ng Iranun Foundation College, Inc. sa Kapatagan, Lanao del Sur nito lamang ika-13 ng Abril 2023.
Naging matagumpay ang aktibidad na nakapagbigay kaalaman sa 105 na estudyante ng naturang paaralan patungkol sa PNP Nameless and Faceless Recruitment Process at iba pang kaalaman patungkol sa police operations.
Ito ay pinangunahan ni Police Lieutenant Colonel Rudy Elandag, Officer-In-Charge ng RRSU BAR.
Layunin ng RRSU-BAR na tunguin ang lahat ng paaralan sa rehiyon upang magabayan ng mabuti ang mga mag-aaral kung paano maging mabuting pulis balang araw, gayundin upang mas mapalapit ang estudyante sa ating Pambansang Pulisya at hindi maligaw ng landas.
Panulat ni Patrolman Charlie Nasroden Corpuz
