Negros Oriental – Muling isinagawa ng mga tauhan ng Negros Oriental Police Provincial Office ang Lingap ng KASIMBAYANAN para sa Mamamayan Project sa Barangay Nagbinlod, Sta. Catalina, Negros Oriental nito lamang Abril 13, 2023.
Ang naturang aktibidad ay pinangunahan ni Police Colonel Alex G Recinto, Acting Provincial Director, katuwang sina Police Lieutenant Helen Grace Alderite, Deputy PCADU, Police Lieutenant Colonel Stephen Amamag-Id, 3rd District Supervisor, opisyales ng iba’t ibang istasyon ng Negros Oriental at Bohol, mga miyembro ng Advocacy Support Groups at Force Multipliers.
Ang isinagawang turn-over ceremony ng isang waiting shed na nalikom sa pamamagitan ng Lingap Boxes na bahagi ng nasabing proyekto at inisyatibo ng dating Acting Provincial Director Police Colonel Reynaldo Lizard, na naglalayong matulungan ang mamamayang kanilang nasasakupan.
Nagkaroon din ng pamamahagi ng food packs, tsinelas, libreng gupit, masahe, pagkuha ng police clearance, feeding activity at lectures patungkol sa ELCAC, RA 9262 at RA 7610.
Malugod naman na nagpasalamat ang residente ng Barangay Nagbinlod dahil sa ibinahagi ng ating kapulisan katuwang ang ibang ahensya ng pamahalaan na makakatulong sa kanilang pang-araw-araw na pangangailangan at sa kaalaman upang maprotektahan ang kanilang sarili sa kriminalidad.
