Tawi-Tawi – Namahagi ng food packs ang mga kapulisan ng Tawi-Tawi Provincial Mobile Force Company sa mga kapatid nating Badjao kaugnay sa project Sadaqa na ginanap sa Sitio Sanga – Sanga, Bongao, Tawi – Tawi nito lamang ika-13 ng Abril, 2023.
Naging matagumpay ang aktibidad na pinangunahan ni Police Lieutenant Rodrigo Martinez, Platoon Leader ng Tawi-tawi PMFC sa pangangasiwa ni Police Lieutenant Colonel Christian Joy Alqueza, Force Commander, katuwang ang Provincial Mobile Advisory Council na pinamumunuan ni Dra. Hja. Sitti Amina Jaafar Mohammad – Adjarail.
Ang pakikipag-ugnayan ng PNP sa mga aktibidad ng Muslim at Non-Muslim sa kanilang nasasakupan ay isa sa mga paraan upang tugunan ang isyu ng bawat isa, mapanatili ang kapayapaan, pag-unlad ng komunidad, at paggalang sa pagkakaiba-iba ng kultura at paniniwala.
Panulat ni Patrolman Charlie Nasroden Corpuz
