Nueva Ecija – Boluntaryong sumuko ang dating rebelde na miyembro ng New People’s Army sa 1st Nueva Ecija Provincial Mobile Force Company Headquarters, Cabanatuan City, Nueva Ecija nito lamang Miyerkules, ika-12 ng Abril 2023.
Pinamunuan ni Police Lieutenant Colonel Robert Agustin, Force Commander ng 1st Nueva Ecija Provincial Mobile Force Company.
Ayon sa ulat ni PLtCol Agustin, boluntaryong nagbalik-loob si alyas “Odel”, 29 anyos, isang construction worker at kasalukuyang naninirahan sa Barangay San Eustacio, Aliaga, Nueva Ecija.
Nagbigay ng grocery packs ang mga awtoridad bilang tulong handog sa nasabing rebelde habang hinahanda ang mga kaukulang papel para sa programa ng gobyerno na Enhanced Comprehensive Local Integration Program o E-CLIP.
Hinihikayat ng Nueva Ecija PNP ang mga gustong magbalik-loob sa pamahalaan na huwag mag-atubiling pumunta sa kanilang tanggapan upang tulungan na makapagsimula muli at makasama ang kanilang mahal sa buhay.
Source: 1st Nueva Ecija Provincial Mobile Force Company
Panulat ni Police Corporal Jeselle Rivera/RPCADU3
