Cagayan de Oro City – Kumpiskado ang replika na baril matapos na maaresto ang isang ambulance drayber sa ikinasang buy-bust operation ng Cagayan de Oro PNP sa Zone 2, Brgy. Tablon, Cagayan de Oro City nito lamang Huwebes Abril 13, 2023.
Kinilala ni Police Captain Emmanuel Murillo ng Cagayan de Oro City Police Station 9, ang suspek na si alyas “Bosay”, 42, ambulance drayber at residente ng nasabing lugar.
Bandang 8:12 ng gabi nang maaresto ang suspek ng mga operatiba ng Cagayan de Oro City Police Station 9 at narekober ang isang pakete ng hinihinalang shabu na may tinatayang halaga ng Php6,800, isang Black Oppo Cellphone, replika ng Cal. 45 at Cal. 45 Magazine, isang motorsiklo at isang pirasong Php1,000 bill na ginamit bilang buy-bust money.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Ang Cagayan de Oro City PNP ay hindi titigil sa mandato sa paglaban sa ilegal na droga at kriminalidad upang masiguro ang kaligtasan at kaayusan ng komunidad.
Panulat ni Patrolman Joshua Fajardo/RPCADU10
