Leyte – Arestado ang isang High Value Target (HVT) sa isinagawang Anti-illegal Drugs Operation ng pulisya sa Brgy. Tinago, Inopacan, Leyte nitong Abril 12, 2023.
Kinilala ni Police Captain Daisy M Hallasgo, Acting Chief of Police ng Inopacan Municipal Police Station, ang suspek na si alyas “Dayang”, 43 anyos, residente ng Inopacan, Leyte at nakalista bilang High Value Target ng PDEA 8.
Naaresto ang suspek bandang 3:35 ng hapon ng pinagsanib pwersa ng Inopacan Municipal Police Station at Provincial Intelligence Team Southern Leyte kasama ang PDEA 8-Regional Special Enforcement Team.
Sa operasyon, nakabili ang poseur buyer ng isang pirasong plastic sachet na naglalaman ng hinihinalang shabu at narekober din sa suspek ang lima pang sachet ng hinihinalang shabu na tumitimbang ng MOL 2 gramo na may tinatayang market value na Php4,000.
Mahaharap ang suspek sa kasong paglabag sa Section 5 at 11 ng Article II sa ilalim ng RA 9165 o Comprehensive Dangerous Drugs Act of 2002.
Samantala, patuloy ang Leyte PNP sa pagpapaigting ng kampanya laban sa ilegal na droga sa kanilang nasasakupan upang manatiling ligtas at maayos ang komunidad.
