Bukidnon – Timbog ang Top 2 Provincial Most Wanted Person sa kasong Murder sa ikinasang operasyon ng Malaybalay City Police Station at 1st Bukidnon Provincial Mobile Force Company sa Brgy. 10, Malaybalay City, Bukidnon nito lamang Abril 12, 2023.
Kinilala ni Police Lieutenant Colonel Julius Clark Macariola, Officer-In-Charge ng Malaybalay City Police Station, ang suspek na si alyas “Buboy”, 37, at residente ng Sitio Dangkyas, Brgy. Kawayan, Quezon, Bukidnon.
Naaresto ang suspek bandang 9:33 ng umaga sa bisa ng Warrant of Arrest sa kasong Murder na walang rekomendadong piyansa.
Patuloy ang Bukidnon PNP sa pagsasagawa ng mga operasyon para mahuli ang mga wanted persons at upang matiyak ang kaligtasan at mapanatili ang maayos at payapang komunidad.
Panulat ni Patrolman Joshua Fajardo/RPCADU10
