Cagayan de Oro City – Agad na naaresto ang isang lalaki sa isinagawang follow-up operation ng Cagayan de Oro City PNP nito lamang ika-11 ng Abril 2023.
Kinilala ni Police Major Sebastian Chua Jr., Station Commander ng Cagayan de Oro City Police Station 1, ang suspek na si alyas “Reymart”, 20 at residente ng Brgy. Balulang, Cagayan de Oro City.
Ayon kay PMaj Chua Jr., nakatanggap ng ulat ang kanilang tanggapan mula sa isang babae na tinangay umano ng suspek ang kanyang motorsiklo na Sky Go 150 color black/red na may Plate No. 529047 bandang 2:44 ng madaling araw ng Abril 11, 2023.
Dahil sa isinagawang follow-up operation ng Cagayan de Oro City PNP ay naaresto ang suspek, matapos positibong kinilala ng biktima ang suspek.
Patuloy naman ang panawagan ng Cagayan de Oro City PNP sa publiko na huwag mag-atubiling humingi ng tulong sa ating pulisya na handang tumulong para sa tiyak na kaligtasan at payapang pamayanan.
Panulat ni Patrolman Joshua Fajardo/RPCADU10
