Iloilo City – Aabot sa 100 na miyembro ng Sectoral Front Organization sa Iloilo City ang nagpahayag ng kanilang pagbawi ng kanilang pagsuporta, pagkalas at pagtuligsa sa komunistang teroristang grupo na ginanap sa Brgy. East Baluarte, Molo, Iloilo City ngayong araw, ika-11 ng Abril 2023.
Ang naturang withdrawal of support sa CTG ay naging posible sa inisyatibo ng SAMBAYANAN- Western Visayas sa pangunguna ni Winifredo C Doblizo, coordinator, Iloilo City Mobile Force Company, sa pangunguna naman ni PLtCol Romeo Vargas, Force Commander, at dating mga miyembro at supporters na galing sa Brgy. Bito-on, Jaro, Baldoza, Lapaz, Sinikway Lapuz at Tanza Timawa 2 City Proper.
Ang naturang mga miyembro ng organisasyon ay nagtipon-tipon para manumpa at lumagda ng Withdrawal of Support sa CTG at upang ipakita ang pagsuporta sa mga pagsisikap at programa ng ating Gobyerno upang wakasan ang insurhensiya sa lungsod ng Iloilo.
Dumalo rin sa aktibidad sina Police Colonel Joeresty Coronica, City Director, ICPO; LtCol Luisita G Clavecillas, Commanding Officer, 3CMO Battalion, 301st Brigade, 3rd ID, Philippine Army; at si Hon Garry Patnubay, ng Punong Barangay ng East Baluarte, Molo, Iloilo City.
Ang pagtutulungan ng gobyerno at buong pamayanan ang isa sa mga paraan at susi para wakasan ang insurhensiya sa kriminalidad sa ating bansa.
