Sulu – Nakumpiska ang tinatayang Php20 milyong halaga ng shabu sa tatlong naarestong suspek sa isinagawang magkakasunod na operasyon nito lamang nagdaang semana santa sa munisipalidad ng Luuk, Indanan at Jolo, Sulu.
Ayon kay PCol Narciso Paragas, Provincial Director ng Sulu Police Provincial Office noong Abril 8, 2023, nagsagawa ng operasyon ang PDEA Sulu BARMM, 7 Special Action Battalion, CIDG IX, Sulu PPO Provincial Intelligence Unit, 2nd RMFC, 1st PMFC, 2n PMFC, RMFB BASULTA, Alpha Company 101 Infantry Battalion, Coastguard Station Eastern Sulu, at Luuk MPS sa Brgy. Tandu-Bato, Luuk, Sulu na nagresulta sa pagkakakumpiska sa humigit kumulang tatlong kilo ng shabu na tinatayang may halagang Php20,000,000 habang ang suspek naman ay swerteng nakatakas.
Noong Abril 10, 2023 ay isang lalaki ang naaresto sa isinagawang buy-bust operation ng Indanan MPS sa Sitio Pamawlan, Brgy. Kajatian, Indanan, Sulu. Samantala, Dalawang drug peddler naman ang naaresto sa isinagawang operasyon ng Jolo MPS katuwang ang 4th RMFC, RMFB BASULTA, sa Sitio Dayang-Dayang Piyandaw, Brgy. Walled City, Jolo, Sulu nito lamang ika-11 ng Abril 2023.
Ang mga naarestong suspek at nakumpiskang ebidensya ay dinala sa kani-kanilang operating units para sa kaukulang dokumentasyon at disposisyon habang inihahanda na ang kaukulang kaso at pagsasampa sa hukuman.
Ang matagumpay na operasyong ito ay nagpapatunay na ang mga personahe ng PRO BAR ay hindi nagpapabaya sa kanilang sinumpaang tungkulin at mas lalo pang paiigtingin ang kampayang kontra ilegal na droga para makamit ang kaayusan tungo sa kaunlaran ng bansa.
Panulat ni Mark Vincent Valencia
