Laguna – Tinatayang Php646,000 halaga ng shabu ang nasabat sa apat na suspek sa buy-bust operation sa Brgy. Labuin, Pila, Laguna nito lamang Martes, Abril 11, 2023.
Kinilala ni Police Colonel Randy Glenn Silvio, Acting Provincial Director, Laguna Police Provincial Office, ang mga suspek na sina alyas “Frey”, “Jared”, “Arvin” at “Stephen”, pawang mga residente ng Sta. Cruz, Laguna.
Bandang 8:03 ng gabi nang maaresto ang mga suspek ng mga pinagsanib puwersa ng Laguna Provincial Drug Enforcement Unit at Pila Municipal Police Station.
Narekober sa mga suspek ang 29 pirasong medium size plastic sachets na naglalaman ng hinihinalang shabu na tumitimbang ng 95 gramo na may tinatayang halaga na Php646,000, isang pirasong Php1,000 bill na ginamit bilang buy-bust money, at 42 pirasong pekeng Php1,000 bill na ginamit bilang boodle money.
Nakasama sa narekober ang isang unit ng caliber .38 colt mustang, apat na piraso ng live ammunition, dalawang black coin purse, dalawang black leather wallet, isang unit ng Mio Traviz motorcycle color red, isang Yamaha Aerox color violet, isang unit of caliber .22 revolver, isang weighing scale, isang black coin purse, dalawang pirasong gunting, tatlong pirasong water pipe, isang lighter at perang nagkakalagang Php 1,300.
Nahaharap ang mga suspek sa kasong paglabag sa Republic Act 9165 “Comprehensive Dangerous Drug Act of 2002” at Republic Act 10591 “Comprehensive Firearms and Ammunition Regulation Act”. “
Ang Laguna PNP ay hindi titigil at mas lalo pang paiigtingin ang mga operasyon kontra ilegal na droga upang matiyak natin ang kaligtasan at katahimikan dito sa buong Lalawigan ng Laguna at ipinaaabot ko din po ang aking pasasalamat sa ating mga kababayan na patuloy na nakikipagtulungan sa ating mga kapulisan sa patuloy na pagbibigay ng mga impormasyon para sa mabilisang pagkakadakip ng mga drug personalities”, pahayag ni PCol Silvio.
Panulat ni PEMS Joe Peter Cabugon/RPCADU4A
