Sultan Kudarat – Nagsagawa ng Community Outreach Program ang mga tauhan ng PNP Maritime Group sa Purok Bangus, Brgy. Tibpuan, Lebak, Sultan Kudarat nito lamang ika-10 ng Abril 2023.
Pinangunahan ni Police Captain Barry Louie Raymundo, Station Chief ng General Santos Maritime Police Station, ang aktibidad kasama ang Lebak Municipal Police Station, Sigma Lambda Phi, mga estudyante ng Sultan Kudarat State University at mga miyembro ng LGBTQ ng Lebak na boluntaryong nakiisa sa aktibidad.
Mahigit 100 na residente ang naging benepisyaryo na napamahagian ng pagkain, inumin at kasabay nito ay nagsagawa din ng libreng gupit.
Nagpasalamat naman ang mga residente dahil sa kabila ng mga sakuna at pandemya ay patuloy pa din sa pagtulong ang ating Pambansang Pulisya na may layunin na pagtibayin ang relasyon nito sa komunidad tungo sa progresibo, maayos at mapayapang bansa.
Panulat ni Patrolman Charnie Atienza Mandia/RPCADU12
