Davao Del Norte – Arestado ang isang lalaki sa isinagawang buy-bust operation sa Brgy. Tibal-og, Santo Tomas, Davao Del Norte nito lamang Abril 11, 2023.
Kinilala ni Police Major Rodante Varona, Chief of Police ng Sto. Tomas Municipal Police Station, ang suspek na si alyas “Alexis”, menor-de-edad na residente ng naturang barangay at kabilang sa listahan ng Street Level Drug Personality ng PNP at PDEA.
Naaresto ang suspek matapos mahuli sa akto ng pagbebenta ng hinihinalang marijuana sa nagpanggap na poseur buyer na tauhan ng Sto. Tomas PNP.
Nakuhaan ang suspek ng ilang pakete ng hinihinalang marijuana na may bigat na isang gramo kasama ang marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang Police Regional Office 11 na gawing drug-free ang rehiyon upang makamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara/RPCADU11
