Masbate – Naghandog ng sports materials at seedlings ang mga tauhan ng Masbate 1st Provincial Mobile Force Company (PMFC), Masbate Police Provincial Office sa mga kabataan ng Barangay Cagay, Masbate City nito lamang Linggo, Abril 9, 2023.
Sa pamumuno ni Police Lieutenant Jan Mark Quierra, Team Leader ng 1st PMFC, namigay ng sports materials at seedlings ang pulisya ng Masbate 1st PMFC sa mga napiling kabataan bilang tulong upang mahubog ang kanilang talento at kasanayan sa larangan ng palakasan at para din himukin sa pagtatanim at aspetong pang agrikultura.
Ang nasabing aktibidad ay bahagi ng “Hatag ni Abtik” Program ng Masbate 1st PMFC na naglalayong matulungan ang mga kabataan ng Masbate City.
Malaki naman ang pasasalamat ng mga kabataan sa inihandog sa kanila ng ating mga kapulisan.
Ang Pambansang Pulisya ay patuloy na maghahatid ng mga serbisyo at tulong sa ating mga kabataan para sa mas matatag, malakas at magandang ugnayan ng pulisya at komunidad.
Source: Masbate first PMFC
