Camarines Sur – Nagsagawa ng Community Outreach Program ang mga tauhan ng Sipocot Municipal Police Station sa mga kabataan at mga residente ng Zone 4, Barangay Impig, Sipocot, Camarines Sur nito lamang Abril 6, 2023.
Ang naturang aktibidad ay pinangunahan ni Police Major Jabesh Napolis, Hepe ng Sipocot MPS, katuwang ang Calupit Family na isa sa aktibong stakeholder ng nasabing himpilan.
Naging benepisyaryo sa aktibidad ang mga kabataan at mga residente ng nasabing lugar na nakatanggap ng libreng masusustansyang pagkain at food packs.
Layunin ng programang ito na mas lalo pang mapalapit ang ugnayan ng kapulisan at mamamayan.
Samantala, ngiti at pasasalamat ang isinukli ng mga nakatanggap sa naging handog ng ating mga kapulisan.
Nagpapasalamat naman ang Pambansang Pulisya sa mga stakeholders na walang sawang nagpaabot ng tulong sa naging matagumpay na aktibidad.
Patuloy ang Pambansang Pulisya sa pagsasagawa ng mga aktibidad na naaayon sa programa ng Hepe ng Pambansang Pulisya na MKK=K o ang Malasakit, Kaayusan at Kapayapaan tungo sa Kaunlaran.
Source: Sipocot Mps Csppo
