Cavite – Mabilis na rumesponde sa isang jeepney accident ang Regional Mobile Force Battalion 4A sa kahabaan ng Magallanes-Cavite Road, Cavite nito lamang Biyernes, Abril 7, 2023.
Ito ay sa ilalim ng superbisyon ni Police Lieutenat Colonel Agosto Assuncion, Force Commander, nang sa mga oras na yun ay kasalukuyang nagsasagawa ng “Kalingang Asi-Libreng Mekaniko at Sakay Para sa Ligtas na Paglalakbay”.
Ayon sa inisyal imbestigasyon, aksidenteng nawalan ng preno ang isang jeepney na papuntang Bacoor, Cavite.
Agad namang nagpaabot ng tulong ang mga tauhan ng RMFB4A sa pangunguna ni Police Captain Arnel Villanueva, Logistic Officer, RMFB4A na nagbigay ng first-aid sa tatlong nasugatang pasahero at ligtas na naihatid ang 24 na pasahero sa kanilang destinasyon.
Ang pagsisikap at dedikasyon ng RMFB 4A sa pagganap sa mga tungkulin at responsibilidad ang naging susi upang mabilis ang tugon sa naturang aksidente.
Panulat ni PEMS Joe Peter Cabugon/RPCADU4A
